Mikawanoh Warta
Warta
téh nyaéta katerangan atawa béja ngeunaan hiji kajadian atawa hiji hal anu
ditepikeun ka balaréa ngaliwatan média massa, boh média citak saperti koran
jeung majalah, boh média élektronik saperti radio, televisi, jeung internét.
Dina
seuhseuhanana mah warta téh dijieun dina wangun tinulis, sabab anu ditepikeun
sacara lisan ogé ari dasarna mah warta dina wangun tinulis. Anu matak anu
nepikeun warta dina radio atawa televisi disebutna “maca berita”.
Henteu
sakabéh kajadian atawa hal pantes dijieun warta. Kajadian atawa hal anu bisa
dijadikeun warta, upama:
1.
Éta kajadian téh dianggap penting pikeun dipikanyaho ku
balaréa.
2.
Éta kajadian téh dianggap bisa nyumponan kapanasaran balaréa.
5W + 1H
Dina
warta aya unsur-unsur anu disebut 5W + 1H, nyaéta:
- Who (saha)
- What (naon)
- Why (kunaon)
- Where (di mana)
- When (iraha)
- How (kumaha)
Upama ditilik tina adeganana, warta téh diwangun ku puhu warta jeung eusi warta. Bagéan puhu warta ngébréhkeun inti ataw poko-poko tina sagemblengna eusi warta. Ari bagéan eusi warta mangrupa wincikan atawa katerangan tina inti warta anu aya dina bagéan puhu warta. Anu matak upama urang hayang nyaho inti jeung jejer tina hiji warta, baca baé bagéan puhu wartana. Puhu warta téh mangrupa paragraf munggaran dina warta.
Nulis
warta téh teu sagawayah. Aya deui palanggeran anu disebut Kodé étik
Jurnalistik, diantarana baé kudu miboga sikep “asas praduga tak bersalah” atawa
“henteu nyanyahoanan”. Anu matak tomg kagét upama dina warta urang mndeng
manggihan kecap “diduga” atawa “diperkirakan”. Jadi henteu gampang nuduh salah,
lamun tacan kabuktian kasalahanana sacara hukum.